Першыя гістарычныя звесткі аб школе ў весцы Драчава маюцца з 1934 года. Першым будынкам школы стала канфіксаваная ш кулака простая вясковая хата. Наладжваў працу па адукацыі сялянскіх дзяцей Пратасеня Аляксей, які нарадзіўся ў в. Дубеі.
З даваеннага часу вядома, што ў школе працавалі настаўнікі: Статкевіч Грыгорый Іванавіч з вёскі Равецкі Лес, настаўнік Міхнавец з вёскі Ананчыцы.
1941 – 1945 гг. Вялікая Айчынная вайна. Жыццё школы замірае на некалькі гадоў. Не звіняць дзіцячыя галасы ў сценах школьнага будынка.
Але ў 1944 годзе, пасля вызвалення Беларусі ад нямецка – фашысцкіх захопнікаў, школьнае жыццё вёскі пачынае аднаўляцца: у вёску прыехала маладая настаўніца – Селядцова Ніна Дзмітрыеўна, якая нарадзілася ў г. п. Старобін.
Вучыліся ў адной з уцалелых хат. У хаце стаяў доўгі стол і дзве лаўкі, зробленыя вучнямі. Пісалі на газетах паміж радкамі простымі алаўкамі. Падлога ў хаце была паслана толькі напалову, астатняя зямля – ток. Як толькі ўрокі заканчаваліся, стол адсоўваўся, ставіліся кросны і да поздняга вечара жанчыны ткалі палатно.
У 1946 годзе вярнуўся з высылкі брат бабы Паўліны (Ніна Дзмітрыеўна пачынала жыць на кватэры ў хаце бабы Паўліны) і пабудаваў хату і ў хуткім часе выехаў у Бабруйск, а школьнікі перайшлі вучыцца ў гэтую хату.
Неўзабаве прыехаў сакратар райкома Завадэўкін і ўбачыў, у якіх умовах займаюцца дзеці і сказаў: “Будзем будаваць школу”. У гэты час планавалася будаваць у калгасе клуб. Загадчык РАА Талпека М. І. дамовіўся з праўленнем калгаса будаваць школу і клуб разам. Таму будынак
быў раздзелены на дзве палавіны: ў адной школа, а ў другой клуб. У школу былі завезены парты, шафы, тумбачка і бачок для вады.
У 1976 годзе школа закрываецца ў сувязі з недахопам вучняў (усяго 5 чалавек).
З 1976 па 1993 год школа ў весцы Драчава не працавала, і, здавалася, вялікіх перспектыў у весцы не было. Але 1993 год прынёс перамены, надзеі на адраджэнне вёскі. Па рашэнню райвыканкама ў вёсцы Драчава пачынаецца будаўніцтва саўгаса “Камсамольскі” для перасяленцаў ахвяр аварыі на Чарнобыльскай АЭС. Прыехала моладзь, для дзяцей патрэбна была школа.
Дырэктар саўгаса Шадурка М. К. па просьбе жыхароў вёскі прпаноўвае загадчыку РАА Бычэні В. А. адкрыць у вёсцы пачатковую школу ў жылым доме, пакуль пабудуецца новая школа.
1 верасня 1993 года ў вёсцы Драчава адчыніліся дзверы пачатковай школы, якая размясцілася ў жылым доме, але на гэты раз будынак быў ужо двухпавярховым і новым.
Педкалектыў школы складаўся з двух настаўнікаў. Старэйшым настаўнікам была прызначана Хаміцэвіч Святлана Уладзіміраўна, настаўніцай пачатковых класаў працавала Лазоўская Іна Аляксандраўна.
На наступны 1994-1995 навучальны год школа папоўнілася дзяцьмі і настаўнікамі. Быў назначаны дырэктар школы Башура Яўген Навумавіч і настаўніца пачатковых класаў Міхнавец Святлана Сцяпанаўна. У такім саставе працавалі да студзеня 1995 года.
1 студзеня 1995 года па заканчэнню канікул, дзеці прыйшлі ў новую школу. Амаль усе настаўнікі былі мясцовыя, якія ўжо пражывалі ў вёсцы Драчава. Толькі прыйшоў адзін новы настаўнік – Рудзеня Мікалай Рыгоравіч.
9 студзеня школа змяніла свой статус – цяпер гэта базавая школа. У новым будынку адкрыліся таксама дзве групы садка для самых маленькіх жыхароў вёскі. У школе пачалі працаваць 9 настаўнікаў. З 1 верасня 1995 года школа пачынае працаваць у поўным рэжыме – 2 групы дзіцячага сада, 9 класаў камплектаў, 9 настаўнікаў, два выхавацелі, бібліятэкар. Да 2004/2005 навучальнага года працуе пад кіраўніцтвам дырэктара школы Башура Яўгена Навумавіча і намеснікаў па ВВР Хаміцэвіч С. У. (1995-2000), Прышчыка А. І. (2002-2004).
За гэты час школа не аднаразова была пераможцай у раённых конкурсах, спартакіядах, прымала гасцей Мінскай вобласці на абласным экалагічным семінары.
У 2004/2005 навучальным годзе школай пачынае кіраваць Шух У. П., намеснік па ВВР Міхнавец С. С.За год школа робіць шмат поспехаў – прызавыя месцы ў раённых конкурсах, першае месца на раённай спартакіядзе. Як вынік першае месца сярод базавых школ у конкурсе на лепшую НУ раёна.
